莊端兒拍拖戒色張致恒死忍
擁有32D惹火身材的珠寶小姐莊端兒（Xenia）去年被歌手張致恒（Steven）私有化，拍拖年多的兩人不時在網誌晒恩愛，更多度遊日，Xenia在今期《好報》中透露兩人一直守「色戒」及「拒婚前性行為」。
Steven昨接受電話訪問，對於抑制性慾，他說：「總之自己個心係點、行為係點，呢方面睇自己想唔想。（有冇想過？）唔好要我答呢啲問題，好辛苦，我都係男人，有個咁惹火女友，一定有幻想同遐想，我會盡一切能力控制自己。」
由於Xenia以三點式影專訪相，曾怕女友被睇蝕的Steven說：「今朝睇完眼都大晒，冇辦法啦，阻止唔到佢，如果我係佢經理人，會叫佢日日着樽領。」Xenia則強調與男友都是虔誠基督徒，問Steven有冇試過嘗「禁果」？Xenia說：「冇要求過，係咪咁樣（堅拒婚前性行為）會Sweet啲呢？」