周國賢重返樂壇粉絲爭企位睇騷

興奮又緊張

據主辦單位Soliton執行總監余承俊透露，開賣反應熱烈是預期之外，售票系統更因太多人買票而癱瘓，故很多歌迷投訴買不到飛，Endy更欠下一身飛債。但可惜因場地檔期問題不能加場，故Endy希望在今年底或明年初再舉行大型演唱會，以滿足一眾歌迷要求。

據Endy唱片公司發言人透露，Endy昨早得知門票火速售罄先是愕然，隨即感到十分開心，反應熱烈對他是很大的鼓舞，但同時亦令他緊張，因始終相隔多時再開騷，而且外界亦相當期待他演出。雖然背負大壓力，但Endy希望透過演唱會跟歌迷見面，向大家分享之前「退出」兩年的心路歷程。屆時Endy所屬前組合Zarahn的好兄弟亦會來幫手，其父母亦會到場支持。

另外，Endy早前接受電台訪問，提到相隔兩年重回樂壇，他透露因為過去幾年情緒病日漸嚴重，最嚴重時更壓力大得不停磨牙，甚至試過磨爆牙。

曾患情緒病

他坦言低潮時試過因情緒問題而罵家人：「我試過同媽媽為屋企工人而嗌交，當時仲用咗好差嘅語氣同媽媽講嘢，令到大家冷戰咗一陣，最後我都有同佢道歉。」幸好Endy靠運動、氣功作精神治療，亦有上堂學習心靈治療，令自己走出情緒病陰霾。

文：音樂組