苗僑偉出門必搽防曬

藝人苗僑偉、張紋嘉（Crystal）昨晚出席威利來干邑試酒會，問二人有否打算入股投資干邑生意？苗僑偉笑說：「我幫手飲杯就得！我呢種蚊型（身家）係做唔到，不過就好樂意推廣呢種酒！」近日曬得一身古銅膚色的他，自爆太太戚美珍千叮萬囑要搽防曬出門：「我鍾意打高爾夫球，佢唔反對，但要我搽防曬，佢話曬得咁犀利！」日前有指《使徒行者》電影版將開拍，他表示劇組正整理劇本，之後要送到內地審批；問到班底？他稱仍未清楚。