草蜢化身精靈跳舞氹寶貝

因參與綜藝節目《爸爸去哪兒》演出而聲名大噪的內地童星王詩齡，近日來港夥拍吳鎮宇及楊千嬅演出王晶新片《寶貝當家》，拍攝比預期順利，昨日煞科戲更安排記者探班。劇組花上數百萬元搭建詩齡的「豪宅」，草蜢則客串演出天使精靈，現身於詩齡生日會上載歌載舞，場面熱鬧。劇組為隆重其事，更找來排舞師跟場排舞。

客串一天的草蜢坦言已忘記上一次「3人合體」拍戲的時間﹕「一定超過10年，但我哋記得入行第一部戲都係幫王晶拍嘅。今次我哋做『講古佬』，負責貫穿晒成套戲。（覺得王詩齡點？）其實上次同佢合唱過賀歲片主題曲，但就分開錄音，今次終於有機會同場，佢好得意、聰明，但我哋都醒喎。」

王晶受訪表示《寶》片投資約6000萬人民幣：「預計明年寒假上映，呢個組合唔會輸啦，今次王詩齡係第一女主角。（佢表現點？）同去年比，佢又大咗啲，加上有其他幾位小演員在場同佢玩，效果好好多，舊年佢有喊呀。」而演員之一的魯芬則搬來一個大西瓜萬歲，為工作人員消暑降溫。

文：影視組