王浩信拍劇險抑鬱

藝人王浩信（Vincent）昨日到電台宣傳新劇《樓奴》，力谷新劇的Vincent除了走訪多個電台做宣傳外，晚上還會與同劇演員一起打邊爐來迎接首集開播，還揚言收視好的話會脫衣答謝觀眾！Vincent為了拍攝劇集不惜增肥後又減肥，直言差點患抑鬱：「拍《樓奴》我做廚師，要成日試食，所以要肥肥哋，之後《東坡家事》我要做一個摔跤好叻嘅美男，一除衫就要大家尖叫，所以要fit啲，最後拍《EU超時任務》就做村長，又要肥番啲，依家諗番都覺得有啲抑鬱！」被問到會否倣效其他無綫花旦離巢北上工作？Vincent坦言感恩公司給予機會，所以會將所有精神投放在TVB。