家陣好多男人都好鍾意砌，一得閒就砌個飽，甚至砌到通宵，大家唔好心邪，我係話砌模型咋！其實唔只男士，女仔都一樣喜歡砌模型，好似春野惠呢位姣爆索女咁，更喺網絡有個直播砌模型節目，等大家一齊睇住佢猛砌猛砌。
要數近年最為人熟悉嘅水着尤物，除咗原幹惠、今野杏南，仲有被稱為好色姐姐嘅壇蜜。壇蜜之所以咁受歡迎，演出風格夠晒大膽踩界之外，凹凸有致嘅身材亦應記一功，但係我就覺得姣到出汁嘅面孔同表情最有功勞，而講到呢方面，水着界仲有一位女優實力與壇蜜不相伯仲，佢就係春野惠喇。今年27歲嘅春野惠經過一段歲月，已由青春美少女變為輕熟美人，一派姊系韻味極之誘惑，尤其係帶狐媚感覺嘅一雙大眼睛更將姣汁引爆，相信年中有唔少麻甩佬畀佢電暈。春野惠除咗雙眼值得留意，仲有一副略帶肉感嘅胴體，雖然大腿同腰部有少少粗，但係豐滿嘅臀部以及純天然嘅G奶卻係無比誘人，正呀！
春野惠出道拍水着寫真已有七年，此外仲不時參與影視圈工作，電影作品有《裂口之女2》，近期演出嘅電視劇則有《冥府的女僕》等，阿妹喺眾多水着妹當中星運算係相當唔錯，因為唔係咁多女優有咁嘅演戲機會。講番春野惠嘅寫真事業，由於其演出風格大膽，人氣與日俱增。有幾大膽？除咗濕身透點、自摸雙峰以及三角地帶等等之外，仲玩埋SM玩意當中嘅繩縛。據阿妹透露，上年生日嘅晚上心癢癢喺沖沖吓涼時候突然拎起條繩玩自綁，點知就綁到上癮，開始喺寫真DVD當中表演呢種玩意喇。如果大家想睇春野惠嘅演出，可以購買其寫真DVD之外，亦可以上網，因為佢係模型愛好者，有個節目叫做《模型教習所》，當中會換上三點式然後示範砌模型，都幾賞心悅目。
春野惠經常出席攝影會，每次都會自拍留念並放上博客同大家分享，只要Click上其博客就會睇到好多春野惠嘅比堅尼艷照喇。
網址：http://ameblo.jp/kimihaaidoru/
年齡：27歲
身高：5呎3吋
三圍：37G-24-34
撰文：賢