胡杏兒忙辦喜事 婚紗益姊妹
胡杏兒昨日以大中華區代言人身份出席腕錶品牌TEMPORIS活動，期間多次提及其婚紗店，明顯火力全開籌備新店工作。昨日她示範演繹男裝腕錶，高貴中見型格，問到她可會送腕錶給男友，她說：「如果大會送畀我我就送畀佢，無所謂，畀佢揀。（成日送禮物畀男友？）咁又冇，唔會成日送，節日會送。（接唔接受到情侶裝？）情侶錶ok，情侶衫就搞笑啲，好得人驚。冇同男友着過一模一樣，不過佢鍾意襯番我啲色，低調啲好，如果唔係畀人笑。」
難約埋舉行婚禮
提到她日前與一班好姊妹飯局，她說：「大半年冇聚埋一齊，好難約。（你報喜？）冇，喜係我婚紗店就開，好忙。（第一個自己幫襯？）唔知，都希望佢哋，可以sponsor佢哋。（傳你好姊妹胡定欣想快啲結婚？）佢事業心好重，好認真工作，最緊要佢拍拖開心，同埋各樣嘢都開心。（會唔會約埋一齊搞婚禮？）點約？食餐飯都咁難約，隨緣啦，最緊要大家開心冇壓力。」
釗峰多朋友送錶
她又表示現在跟無綫已經沒有合約，至於是否如傳聞所說簽了蕭定一，她說：「依家係自由身，唔公布得新動向住。目前都係忙我間婚紗公司，開會開到凌晨5點，忙完呢樣先諗其他嘢。」
而同場的組合C AllStar成員安仔自言向來喜歡買錶，已有十多隻，最近愛買皮錶的他除了要看錶款，還會嗅一嗅皮味看看有沒有feel。而另一成員釗峰就表示自己都不用買錶，因有很多朋友送錶給他。
文：名人組