陳家樂露真面目 眼紅彭于晏

陳家樂今次在英皇電影《破風》中，夥拍台灣演員彭于晏（Eddie）飾演單車選手，惟家樂所演的正是出賣Eddie的奸角，最後更收錢陷害取代自己位置的Eddie：「取代咗我個位置做衝線手，我仲要幫佢破風，就算車隊贏咗都係得佢上台拎獎！」

奮鬥目標

其實家樂在鏡頭之外，對Eddie由心的欣賞，更視對方為努力目標，事緣在二人共同為電影進行為期半年的單車特訓，他笑言：「之前已經覺得佢好勁，今次仲要咁近距離一齊踩單車，睇住佢熱到爆除衫，太正喇！我係男仔都流口水！」更大爆自己要練接近一星期才表現穩定，Eddie只需一天的時間經已做到，大讚其運動細胞的同時，更誇讚其毅力驚人：「好少演員願意為一部電影花半年時間投入訓練，尤其彭于晏知名度咁高！」

（左起）陳家樂、竇驍及彭于晏早前離港拍攝《破風》。

陳家樂享受做奸角，大有發展空間。

負傷上陣

對於今次能在《風》片中飾演奸角，家樂大感興奮：「出道以嚟好少做奸角，我其實享受去奸，因為可以將平時好少露出嚟嘅深沉陰暗面喺鏡頭前呈現番！」不過家樂所付出的努力卻險因意外致鎖骨斷裂而毀於一旦，慶幸最後他堅持繼續完成拍攝，保住自己的角色，亦因而感受觀眾和身邊人的關心，他說：「出完事一拎番電話打開一睇，有過百人傳短訊慰問我，返到香港先知咁大件事！收到呢啲關心，我好感激佢哋！」

文：影視組

髮型：Kenrick Siu＠TheAttic　

化妝：Yannes Lee＠ND&CO

服裝：CHOCOOLATE＠I.T　

鞋：Adidas HK　

場地：Life Cycle