新進歌手陳詩欣（Eunice）以模特兒身份出道，身材瘦削的她表示對身材缺乏自信，故拒絕走性感路線：「我覺得自己身材唔好，就算着三點式都冇嘢好睇，所以我寧願唔着，最大尺度都係試過着背心短褲咋。（會唔會諗住整形？）唔會啦，冇打算行性感路線。」
性格「男仔頭」的Eunice個性爽朗，連玩運動也特別「Man」，現在她一有時間就會去學泰拳和綜合格鬥（MMA），她說：「我比較鍾意學嘢，最近玩緊泰拳同MMA，可以防狼嘛！鍾意MMA係因為佢係考你鎖人嘅技術，就算係好細粒嘅女仔都可以鎖贏一個男仔，我覺得咁樣好有成功感！」
