阿嬌狠心撇關係 讚吉蒂得意

組合Twins、陳嘉寶、泳兒、鍾舒漫、洪卓立、陳柏宇、林奕匡等，昨日出席電台廣播劇記招。Twins受訪時表示，今次聲演17歲少女的感覺好青春。提到近日網上瘋傳阿嬌的過氣緋聞男友Juno，與謝安琪合唱的新歌《羅生門》三部曲中的女主角是阿嬌，她即反駁：「唔係，都冇一個特定嘅人，我有聽佢講解(口架)！（聽佢親身講解？）聽佢喺網上講。」提到《羅》及三部曲之一的《念念不忘》歌詞中，提及女主角噴茉莉花香水又不愛卡通人物哈囉吉蒂（Hello Kitty），曾揚言不愛Hello Kitty的阿嬌竟反口謂：「Hello Kitty都幾得意呀！（有噴茉莉香水？）冇呀，各有唔同喜好。」問到明年一月生日可會到冰島旅行？阿嬌笑言：「生日都咁凍，仲去冰島咩！」當記者指有大批網民猜測阿嬌是女主角，她則謂：「好多謝佢帶我上依個版面，佢依家咁紅！」並指跟Juno甚少聯絡。

阿Sa避泳兒巨峰

而阿Sa（蔡卓妍）則於台上笑言絕不會與泳兒一起游泳，皆因對方上圍太豐滿：「佢好勁，太勁！」問到阿Sa可有留意男友陳偉霆被網民惡搞成內地真人騷《蒙面歌王》的參賽者，她表示沒有看過影片，笑言：「其實入得娛樂圈都會有好同壞嘅評價。（男友有冇睇？）日日咁多嘢做仲留意咩，都預咗。」

阿Sa笑言絕不會與泳兒游泳，皆因對方上圍太勁。

陳嘉寶自爆早前患腸胃炎體重急跌至94磅。

陳嘉寶轉行做DJ

同場的陳嘉寶就透露首次錄聲演劇，並有意做DJ：「睇吓會唔會可以做到DJ，因為我嘅終極女神周慧敏都有做過DJ！」談到她身形明顯瘦了一圈，她自爆早前患上腸胃炎，導致體重由100磅降至94磅：「有品牌公司警告話我太瘦，如果太瘦就唔用我，點知就食錯嘢，希望啲客唔好唔用我，會盡快肥番！」並解釋當時因拍劇令抵抗力下降，稍為吃了生冷嘢就中招：「盡快肥番啲，公司話依家唔興太瘦，要食多啲！」

文：音樂組