袁偉豪：戥佢開心！ 洪永城嗌Surprise
先後跟林夏薇傳出緋聞的袁偉豪和洪永城，昨日驚聞夏薇結婚大表愕然，其中因合作無綫劇《結。分＠謊情式》的袁偉豪稱對其結婚一事並不知情：「都係啱啱睇新聞先知，當然戥佢開心！（傳過緋聞？）冇關係嘅，點都會祝福新娘子。」
而之前拍《單戀雙城》傳出力追夏薇的洪永城，如今雖已情傾唐詩詠，但對好友夏薇結婚一事感到意外：「今日最大嘅Surprise！梗係會祝福佢啦！之前同佢拍劇時，戲中佢係學廚，依家佢一定要學番多啲廚藝整畀佢老公食啦！」在無綫劇《寒山潛龍》中夏薇亦曾與敖嘉年結片緣，嘉年稱看報紙才驚見夏薇結婚消息：「咁神秘嘅！我都未見過佢男友，當然要祝福佢哋白頭到老，百子千孫！（通知你？）冇，只知佢之前搬屋！」另好姊妹楊詩敏剛聞喜訊稱：「之前拍劇佢仲話好孤單，原來已經有男友，梗會祝福佢啦！」
