張秀文超強咪神零設防任(目及)
早前在無綫節目《超強選擇1分鐘》中「胸」贏眾女的張秀文，昨日出席宣傳時自爆拍攝該集初時，水着沒黐膠紙零設防，認真沙膽，但其驕人身材就贏得網民熱烈讚賞，並獲封為新一代咪神！只睇過養眼畫面一次的呂慧儀就嫌未夠喉：「好嘢梗係要Encore！」
最近以三點式拍攝無綫遊戲節目《超強選擇1分鐘》的張秀文，憑其養眼上圍獲網民封為新一代咪神。她昨日與「長腳蟹」呂慧儀和森美出席該節目的頒獎儀式，並自爆拍攝該集時起初未黐膠紙防走光，但之後都聽建議黐了四、五塊膠紙。談到秀文晒身材，長腳蟹就大叫養眼：「好嘢梗係要Encore啦！」
讚高海寧仲勁
對於獲封「無綫新一代咪神」，秀文昨接受電話訪問時多謝大家：「呢個都係讚美，不過我唔覺得自己係咪神，前任咪神好似高海寧，身材好過我好多。」問為何起初沒諗過做防走光措施？她說：「唔知要趴上水泡玩，又要一take過，點知樂瞳嚇我話會成件泳衣飛出嚟，所以我即刻問工作人員借膠紙。」
秀文續說，日後會睇場合才着三點式，亦不怕大家指她博上位：「成件事其實好sporty，平時唔會咁着，夏天性感少少其實都ok！」
擬變回三問題
森美則透露監製想節目由兩條問題變回三條，讓觀眾更過癮，又抽水笑指想邀請李克勤戴面具上節目讓巫啟賢再估。另外，有讀者稱使用手機App參與該節目時就算全部答對，累積分數都顯示為０。無綫市場及營業部助理總監尹錦輝表示若手機顯示到答案次序，即使手機未顯示分數，中央系統都會收到答案兼即時抽獎，又指觀眾可透過該App提供的熱線要求核實結果。
文：影視組