林熹瞳恨做億元影后 撩林文龍裸泳

電影《我們停戰吧！》昨日在動漫節舉行「我們cosplay吧！」宣傳活動，「玉郎動畫娛樂有限公司」老闆黃玉郎、藝人林熹瞳（Rachel）、湯怡、黃美棋、林文龍和應昌佑齊齊以Cosplay造型登場！其中Rachel與黃美棋的美少女戰士及應昌佑的柯南造型，最為搶鏡！

黃玉郎　搵內地演員拍驚慄片

電影至今獲得27個獎項，成績驕人，林文龍憑此片奪得3個影帝獎項，而Rachel則奪得4個影后獎項。Rachel還即席提議：「如果部戲票房過億，我哋一齊裸泳吖。」林文龍也不甘示弱說：「我有乜所謂，我游自由泳你哋冇嘢睇到嘅。（即係票房過億就裸泳？）希望啦。」黃美棋還自薦做啦啦隊：「我會同佢打氣叫佢游慢啲畀大家影相！」湯怡亦指裸泳留給男女主角。電影取得佳績，黃玉郎表示十分開心，又透露將開拍驚慄片：「依家準備中，會用內地一線演員！」問到有否打算將其作品拍成電影？他說：「都有諗，計劃將《神兵玄奇》改編成電影。」

扮學生妹的湯怡笑言把裸泳機會留給男女主角。	美少女戰士上身的黃美棋，相當搶鏡。	黃玉郎找來現場觀眾即席為漫畫寫對白。

湯怡叫洪卓立　扮禮服蒙面俠

談到他們的Cosplay造型，黃美棋則表示不是首次cosplay，但第一次扮美少女戰士，她說：「套衫着上身好奇怪，條裙好短，個台又高，有打底都唔敢太大動作。」至於扮水野亞美的Rachel表示今次造型相當大膽：「今次呢個cosplay造型我都掙扎咗好耐，最後決定豁出去！」昨日以學生妹打扮的湯怡，笑說想男友一齊cosplay：「我做SailorMoon，佢做禮服蒙面俠！」

文：專案組