蔚雨芯濕身誘惑跑贏Jeana

錢嘉樂、草蜢及森美主持的無綫新遊戲節目《超強選擇一分鐘》前晚到荃灣一所私人泳池進行遊戲，錢嘉樂率領美女嘉賓包括何佩瑜（Jeana）、蔚雨芯（Rainky）等鬥快「划水泡」讓觀眾們競猜鹿死誰手。以性感比堅尼上陣的Rainky碧波蕩漾，三吋「事業線」風頭完全蓋過以小背心示人的Jeana，比賽期間Rainky卻意外地「離泡」直入泳池，全身濕透，連在場護花的猛男也忍不住偷望其惹火身材。

操fit要忍口

力谷三吋「事業線」上陣的Rainky透露最近鮮有着泳衣，對上一次已是拍攝電影《美人魚》：「我成日都講唔係為性感而性感，今日水上活動着比堅尼好正常。自己都有操fit，我接咗個修身廣告，媽咪煮九大簋都唔夠膽食，女仔好易水腫！」Rainky落水前也做足準備，做足防走光措施之餘，還練習出水芙蓉之技，保持靚樣。

Rainky鬥快划水泡時表現得雞手鴨腳。

Jeana自爆腰部肥了不少，笑言怕影響收視才密實示人。

密實遮肥腰

收起性感的Jeana被Rainky搶盡「峰」頭，她笑言：「腰又肥咗，其他嘢又縮咗水，驚搞到個收視唔好，（留番拍電影先性感？）唔關事，嗰套微電影係意識上大膽啫，我都好開心可以拍到。」Jeana又自爆考車失敗令情緒低落，她說：「輸咗個泊位呀，好唔開心。（惡補？）搵師傅補鐘囉，（放棄搵『柴可夫司機』？）自己揸啦，單身靠自己。之前搬屋仲撞瘀咗隻腳，係時候長大，膊頭重咗但係實淨咗。」

另外，首播時出現系統失靈的《超》，去到前晚第二集運作已經十分暢順，共有十四萬七千名觀眾投票玩遊戲，但未知森美是否緊張，竟將歐陽巧瑩說成「司徒巧瑩」，嘉樂也表現得口窒窒。

文：影視組