迪士尼‧彼思口碑動畫《玩轉腦朋友》（Inside Out）將喜怒哀樂等情緒變成主角搬上大銀幕，帶觀眾遊歷天馬行空的腦海世界，睇睇5個腦朋友如何令人類的青春期麻煩多多。
電影由打造過多部彼思動畫的導演Pete Docter執導，今次憑親身經歷創出新故事，Pete自爆受愛女於青春期的情緒轉變而啟發，決心了解青少年腦海！故事以11歲樂天女孩韋莉（Riley）隨家人搬到三藩市的經歷作場景，講韋莉腦海中五個主宰其情緒行為的「腦朋友」（阿樂、阿愁、阿燥、阿憎與阿驚）如何面對新挑戰。
直至發生一次意外，令阿樂及阿愁漂流至偏遠的腦海世界，一失蹤即令韋莉「性情大變」，要歷險闖過「潛意識流域」與「抽象思考區」等地帶趕回總部救亡。
劇組今次要設計出截然不同現實世界與腦海世界，雖玩盡兩個極端，但同以實地考察做參考，增加親切感！現實方面有觀眾不難認出的美國明尼蘇達和三藩市，而腦海世界就完全卡通化，當中有靈感來自腦袋生理結構的「總部控制中心」及儲存獨特片段的「記憶球」；參考Jelly Belly糖果廠及雞蛋工場中輸送工序而創作出繽紛的「長期記憶區」等，個個區域都新鮮又奇怪！連帶為韋莉傳送思想、意念及白日夢的「思想號列車」，都是工作人員先到火車博物館吸收靈感才設計，製作認真！文：外娛組
＊溫馨提示：彼思動畫出名隱藏多個對同公司動畫的致敬位，《玩轉腦朋友》亦唔例外，雖然要捕獲每個彩蛋難度甚高，但彼思粉絲千祈萬勿錯過，入場前要練好眼力。