羅啟聰永不放棄遇伯樂
樂壇新人羅啟聰（Kris）起初以廣告模特兒身份入行，當時心懷歌手夢的他卻感到挫敗：「拍廣告人哋會認得你個樣，但唔會知性格，我想透過音樂令人了解我。」直至一次參與作曲比賽獲當時擔任評判的方樹樑賞識，才能一圓歌手夢，甚至在困境時幫他一把。
本身讀音樂的Kris坦言當初家人不允許他讀下去，只好自己打工賺錢，方樹樑得悉即叫他到其studio做學徒，好讓他有收入外能夠實踐所學。能夠獲對方重視，想必應有過人之處，他笑說：「應該睇中我唔放棄，我有時唔識唱佢會教我，仲好惡咁話我冇天分，但可能我死都唔放棄啩，嗰份毅力佢幾欣賞。」