簡幗儀時機成熟出優雅寫真
夏天除了為大地帶來美腿，在一年一度的書展中更有不少「胸湧澎湃」的寫真集。但如果受不了那重口味的視覺衝擊，亦可以選擇模特兒兼時裝設計師簡幗儀推出的首本寫真散文書，讓新一代才女帶大家走進她的甜美世界。
曾被網友封為「十全女生」的簡幗儀（Lillian）今年初次推出寫真散文書做作家。她認為現正是最佳時候去為自己的努力作一個小總結：「其實之前都有出版社游說我寫書，但我一直覺得自己嘅人生閱歷未夠豐富，冇咩嘢可以寫畀大家睇，而我又唔想淨係出一本寫真集，因為模特兒只不過係我其中一個身份，直至去年先覺得時機成熟。」
Lillian特意設計多個不同造型，當中少不了性感形象，但她不曾擔心與(0靚)模相提並論：「我嘅寫真style同一般嘅寫真好唔同，我唔係特別賣弄性感，我影啲相都係以美感為主。就算中間我有內衣同泳衣嘅造型，我哋處理嘅手法都係用比較典雅嘅風格去做，而唔係刻意去賣弄身材。」
仍有遺憾
Lillian平日分身乏術，反而在拍攝寫真時才有放鬆的機會：「我哋今次去咗台灣同曼谷影相，但我哋唔係話專登去取景，反而係抱住去relax嘅心情去影相。」新書《This is Lillian》由整個概念到中間的文字內容、插畫及寫真風格， Lillian都不假手於人，惟力臻完美的她卻仍有少許遺憾：「原本中間會有我啲畫嘅透明頁，但係本書要趕書展出，所以印唔切。（畀自己幾多分？）88分，有進步空間但係其實已經相當滿意﹗」
文：KAPANG
攝：嚴偉國