梁漢文B爆老婆恨生B
今集《娛樂onShow》請來梁漢文（Edmond）擔任嘉賓，將在八月舉行演唱會的他，會以「Half Time騷」為藍本，至於會否騷肌則坦言希望可以盡量配合。另外，他又自爆太太有時好想生BB，不過一切要待她身體康復為大前提。
東網電視《娛樂onShow》每集都請來不同嘉賓，今集主持人俞詠文（Angela）就邀請歌手梁漢文（Edmond）擔任嘉賓，將在八月舉行第四次演唱會，以「Half Time騷」為藍本，他說：「今次個名叫『梁漢文中場表演2015』，英文就係叫Half Time騷，其實佢靈感就係Super Bowl每年一個好大型嘅Half Time騷，每年呢個騷大家都注目，同埋大家都知我唱咗歌好多年，個騷好似一個分水嶺嘅中轉站，嚟緊希望可以開拓我嘅事業。」
自讚天生Body靚
每次都在演唱會騷肌的Edmond，身邊不少朋友都期待他今次再接再厲，他笑言：「冇辦法我天生Body靚，其實佢哋係咪想聽歌(o架)？話明係演唱會，梗係聽音樂啦。無論咩角度都好，佢哋嘅意見我都有記住，我盡量希望可以配合。」現時跑步、打拳、游水、踢波及做Gym，「五管齊下」的他直言不想太瘦：「今次唔想瘦到太離譜，想有番少少肉地，因為我以前真係太瘦啦！」
繼續做好廣東歌
「Half Time騷」講到明是中場，當然有分上半場及下半場，Edmond坦言希望繼續做好廣東歌，至於談到生育大計，他自爆與太太林文慧有時好想生BB，他說：「我哋兩個有啲飄忽，有時又覺得好，有時又覺得唔好，所以等我哋飄完先啦！（呢排係恨唔恨？）其實我就比佢堅定啲，我就冇乜所謂，但佢有時就好想，一切大前提等佢康復先。（依家都好得七七八八？）依家過咗三年度，要多兩年先再諗。」
文：專案組
化妝：Maggie Lee
髮型：Moe＠FIFTH
場地：紅磡都會海逸酒店