千嬅難捨囝囝 百「遲」莫辯
歌手楊千嬅昨日出席海港城舉行的藝術展，即場與小朋友一起大玩以尋找快樂為題的遊戲，盡顯母愛！她透露已為囝囝Torres報不同的興趣班：「係游水同打網球嘅班，畀佢同其他小朋友玩同溝通。」
千嬅續內疚表示因要還「債」的關係，而抽不了時間陪Torres玩樂：「其實好內疚，呢個暑假要周圍飛，真人騷仲要飛多一次，又要拍戲同拍廣告，呢幾個月都帶唔到佢去玩，寄望聖誕啦。」她又笑稱去年忘記拿囝囝的手冊來策劃工作安排：「上年蠢咗冇拎佢本手冊嚟hold定啲假，依家已經攞定咗，同埋年尾我忙埋巡迴演唱，之後啲工作會疏啲啦。」
擅與小孩相處
問到囝囝是否已習慣自己經常出外工作？千嬅表示：「佢以前細個啲嗰陣唔理我，依家識性會有情緒，會嬲o架，當你出門嗰陣，佢會望實你，同有兩泡眼淚，（你會唔會唔捨得出門？）會o架，所以咪成日遲到。」她又謂囝囝面對老公丁子高時，則是第二個模樣：「佢會好瀟灑咁講bye bye，（咁佢咪好傷心？）佢唔會呀，佢個角色係同囝囝玩，成日玩到好肉緊咁錫佢，阿仔對住佢真係第二個樣，會低能晒同傻晒。」她透露現非常擅於跟小朋友相處，但暫時未有空餘時間推出有關書籍跟大眾分享。
文：名人組