杜德偉胞兄杜德智日前出席活動教長者做健身操，操得一副爆肌身材的他坦言會Keep到老：「我會Keep到『瓜』嗰日，瞻仰遺容時可以摸吓我啲腹肌，希望大家覺得好勁。」他將出書教人操肌，對於有傳方力申「教識徒弟冇師傅」，拒幫杜德智新書拍攝宣傳照，杜德智表示：「佢成日要拍嘢，其實佢都好幫手，我已經搵咗其他藝人如張繼聰。」他又大爆呂方正為個唱積極操弗：「佢會自動自覺去維園操，好勤力，教緊佢更加有效果嘅新方法！」
