吸金代言口不停吳若希認大食
「女神」吳若希（Jinny）過去半年密密接拍廣告穩袋數百萬，日前又獲點心專門店邀請做代言人，自稱「吃貨」的Jinny為以最佳狀態示人，事前狂戒口，但拍攝當日面對美食竟「失手」邊拍邊偷食，連攝影師都笑她雙眼發光。
吳若希（Jinny）近年成廣告商寵兒，先後接拍護膚品及纖體美容廣告，近日更成為點心專門店代言人，日前Jinny穿上熱褲騷長腿拍攝硬照，由於現場放有不少點心，難抵引誘的Jinny不時眼甘甘望着美食，搞到攝影師都忍不住說：「想食就食啦！」自稱「吃貨」的Jinny即聽話地逐件擺入口，又對面前的蛋糕流晒口水。
恨投資飲食生意
Jinny笑言邀她做代言人是明智之選：「唔好畀我外形呃到，其實我都幾大食同好鍾意食嘢，不過知道拍廣告，事前真係忍口忍得好辛苦。」手持精緻豬仔包的Jinny說：「真係好想擺入口，一路攞住，口水就一路流，連攝影師都笑我雙眼發光。」
早前被本報踢爆睇何文田豪宅的Jinny原來有意做老闆娘，拍攝當日不時向點心店老闆取經，Jinny說：「一直對飲食生意好有興趣，奈何冇乜經驗同時間，如果大家搵我拍廣告，都可考慮搵我做生意拍檔，我生意頭腦都唔錯(o架)！」
文：音樂組