簡采恩露天浸浴怕被睇蝕

有線娛樂新聞台主播簡采恩（Joyee）最近趁假期到泰國曼谷及芭堤雅充電享受陽光與海灘，一身古銅色健康膚色的Joyee最愛曬太陽，即使在香港也會曬餐飽，何況去到充滿陽光與海灘的泰國，她說：「喺芭堤雅去咗一啲比較少人嘅島游水曬太陽，靜靜地享受陽光。」問Joyee可有一試天體浴？她笑說：「冇試過，自己身材唔夠好。」

被當泰國人

雖然Joyee未有膽量挑戰天體浴，但此行也專程挑選有戶外浴缸的酒店房，一試在室外來個泡泡浴的滋味，她笑說：「不過過程唔係想像中咁，都會提心吊膽有人偷窺，所以好快就浸完。」

Joyee到泰國旅行，每日也與陽光玩遊戲。	放大圖片	Joyee一試露天泡泡浴，但卻提心吊膽。

一身古銅色皮膚的Joyee去到泰國經常被誤以為是泰國人，她笑說：「自己膚色同樣貌有啲似泰國人，所以好多時啲泰國人以為我係自己人同我講泰文，好多時都要同佢哋解釋番我唔識泰文。」

返港急減磅

去到泰國自然要品嘗美食，Joyee也肥了數磅回港，她笑說：「自己最鍾意食泰式湯粉，有時食完晚飯已經好飽，都要再食多一碗先滿足，不過返到嚟香港都要即刻跑步做運動減磅。」

文：影視組