藝人李彩華（Rain）昨日到電台接受訪問，近年忙於打理內衣王國的她，坦言不時向男友何遠恒請教生意經：「相處得幾好，佢都係做生意，可以畀意見我。」沐浴愛河中的Rain更大讚對方是天賜良緣：「受洗後兩年幾都冇拍拖，一直祈禱希望搵到主賜畀我嘅人，雖然依家佢未100%係，但感覺好好，求主繼續保守住。」
提及早前她放風想盡快結婚生仔，她表示醫生曾勸喻她35歲前生B：「我都想快啲，以前想24歲生，嗰時諗我35歲，個仔已經10歲就覺得好正，不過其實湊小朋友都唔易。（男友鍾意細路？）佢都幾鍾意小朋友，可以分擔湊仔工作。」
