陳豪老蘭派啡變布景板

陳豪被眾多市民要求合照，果然受歡迎！

藝人陳豪、田蕊妮、楊秀惠、張名雅和譚凱琪等昨日宣傳無綫劇《鬼同你OT》，在蘭桂坊向市民派咖啡，結果陳豪一現身即便被數名女士包圍要求合照，其後大批市民聞風而至，男女老幼爭相埋陳豪身，又要求陳豪拎機自拍，場面墟冚。

田蕊妮三點式慶功

陳豪表示表示滿意收視，若收視過35點便食飯。田蕊妮則不諱言過35點便會穿泳衣，她笑言：「梗係講緊三點式啦，唔係一件頭啲款。我等咗呢個機會好耐嘞，但我擔心觀眾知道會熄電視，唔想呢件事發生。」問到老公杜汶澤曾否為她拍泳衣照？她笑言：「佢唔識游水，冇乜機會見到我着泳衣。不過佢有同我影過相，一係有着衫，一係就……哈哈。」

放大圖片	田蕊妮承諾收視過35點便穿三點式。	楊秀惠（右）和譚凱琪悉心打扮宣傳。

同場的楊秀惠提到在行李篋內被發現藝人陳瀅遺失了的手提電話，她解釋：「當日拍《潮流教主》，導演一聲令下ROLL機，大家將枱上雜物掃走，忙亂中掃埋入去。」她笑言：「陳瀅知係誤會，如果係有心我就將成個陳瀅掃入篋啦。」她又否認拍攝時擺架子。

文：影視組