李霖恩醉駕停牌悔樹壞榜樣

現年35歲的李霖恩，近年憑劇集《愛‧回家》為人熟悉，上月17日在尖沙咀駕駛時被警員截停，當時經過「吹波仔」測試，發現他酒精濃度超標，將他拘捕後在警署內進行呼氣測試，發現他在一百毫升的呼氣中，其酒精比例是三十六微克，超出法例的廿二微克。

「仲未衰夠咩」

沒有律師陪同的李霖恩，昨日於九龍城法院承認一項醉酒駕駛罪，被判罰款4,000元及停牌12個月，並需要出席駕駛改進課程。李霖恩曾向法官要求縮短停牌期，但遭到拒絕。步出法院的李霖恩向記者苦笑：「冇車揸點算呀？」

身為李少光（右）兒子的李霖恩（左），後悔醉駕影響妻女。

李霖恩須停牌12個月，期間要由太太做柴可夫。（資料圖片）

昨日本報致電李霖恩問及醉駕一事，他心感歉疚表示不會再犯：「好後悔，自己做錯事乜嘢藉口都無，唔開心做咗個壞榜樣，因為自己有兩個小朋友，如果畀佢哋知道唔係咁好。（下次再犯？）唔會喇，唔會再犯，仲未衰夠咩？」他又表示今次不幸中之大幸，因事件中沒有人受傷。

李少光沒訓話

李霖恩又透露爸爸李少光現時不開心，但未有向他訓話：「爸爸都退咗休，都知佢一定唔開心，但係我自己唔生性，冇得怪人。（訓話？）佢未有反應，都知佢唔開心。（咁太太呢？）暫時佢會做我司機。」

對於兒子醉駕，身在外地的李少光接受電話訪問時說：「睇新聞先知呢件事，咁大個仔相信識得處理。（嬲唔嬲個仔？）點會嬲，但發生咁大件事，好定唔好都應該同家人講！」

文：專案組

案件編號：KCCC2382/2015