Hilary嫌分手麻煩同居免問

前女星上山詩鈉的18歲女兒Hilary，樣靚身材正，經常在社交平台上載泳衣照，成為城中焦點，被譽為最索的「星二代」，不少品牌也想邀她出席活動，昨日Hilary罕有現身護膚品牌Estée Lauder活動，同場還有藝人吳千語、黃愷傑（Wesley）、張建聲及模特兒湛琪清等人，但以Hilary最搶鏡。

唔怕被揭私生活

首次撇甩媽咪單拖出席活動的Hilary，接受傳媒訪問時，表現相當淡定兼對答如流，甚有明星風範！她坦言不介意因「星二代」身份，令其私生活被公開，但就未有正面回應會否考慮入行，只說8月將到美國升讀大學。問到是否為了陪在中東籍男友Rafic身邊？Hilary立即害羞說：「同佢係同一間學校，但唔同學院，兩年前就已經有留意呢間學校。（考慮同居生活？）唔會，仲咁細個！（怕媽咪唔鍾意？）自己想同朋友住，因為同男朋友住嗌交同分手就好麻煩，依家嘅roommate係喺社交網站搵番嚟！（唔驚同陌生人住？）自己揀同學校揀冇分別。」

Hilary透露將與男友Rafic讀同一間大學。	吳千語、湛琪清	黃愷傑（左）與張建聲同充滿陽光氣息。

千語夥拍李敏鎬

而千語為品牌拍下以「白雪公主」為主題的造型，表情多多，相當可愛！她透露與韓國男神李敏鎬首度合作電影《賞金獵人》，將於下月開拍及到韓國取景。又謂要抽時間做運動，因經常到外地工作容易水土不服，加上胃部向來不太好，需要靠運動及食療作調養。問到運動時男友林峯會否陪伴在側？她說：「會陪我，運動佢需要啲，因為男仔身形要好！（鍾唔鍾意肌肉男？）唔太鍾意選美大賽肌肉男，鍾意健康但大隻！」而Wesley透露近日忙於拍攝內地真人騷，對於在節目的對手張雨綺離婚一事，有以短訊慰問對方。

文：名人組