高海寧以嘔代吻 狂噴金剛

藝人高海寧（高Ling）及金剛前晚在中環拍攝無綫新劇《愛情食物鏈》。劇中金剛溫柔安慰飽受情傷的高Ling，當金剛以為醉酒爆喊的高Ling會向他送吻答謝時，豈料對方突然作嘔，令慘被噴中的金剛慌忙抱頭退後。

咀埋鄭子誠

事前高Ling笑言會以奶溝餅乾「對付」金剛，故要狂讚對方「打定底」：「佢好笑又有急才，每次對稿都有唔同結尾！」金剛則笑言身為演員會硬食：「我有演員同職業兩個道德觀，兩個都要我接受！（硬食後要洗頭？）如果佢嘔埋晚餐洗三次。」

高海寧受情傷喊爆，楚楚可憐。

金剛對於無緣與高海寧親熱，竟高呼好彩。

問到遭「以嘔代吻」的金剛是否得罪導演？他即否認兼踢爆高Ling會咀鄭子誠：「我同導演不知幾好朋友，不過高Ling同導演仲好朋友，可以同鄭子誠有親吻戲！」

怕被網民鬧

提到無緣一親女神高Ling芳澤，問金剛會否感失望？他竟然高呼好彩：「冇咀仲好，（否則）網民插我，好危險！」問到其女友蕊蕊有否投訴？金剛笑言因全程冇咀戲而令女友放心。高Ling聞言即建議金剛與同劇的陳智燊加咀戲，金剛爆笑稱寧願咀阮小儀：「唔使喇，咁我揀小儀！（唔揀陳智燊？）佢係男仔，我都有感受(口架)！」

談到高Ling不用與金剛咀嘴，會否感到幸運？她即自爆會向對方怕醜送飛吻：「我同佢都有（其他）親密戲，會隔手指咀佢，仲因為佢企得太近，搞到我面紅！」 文：影視組