王馨平任李思捷錫面珠

藝人王馨平、譚耀文前晚現身無綫,錄影節目《今晚睇李》。王馨平透露曾與李思捷參加同一歌唱比賽,不過思捷未能進身六強而無緣同台合唱。她笑謂:「我喺綵排時同佢講:『唔緊要啦,我哋綵排唱。』但我完全唔記得。」她又指即使思捷在節目中「爆肚」,自己亦可應付。問擔不擔心被思捷索吻?她說:「錫面珠都OK,老公都唔會嬲嘅。」

譚耀文表示與思捷識於微時,早前因工作而未能上節目,故今次到來可謂「一波三折」。他表示即將投入新戲宣傳:「聽講要cosplay,我未諗扮咩,可能扮變形俠醫,我個仔鍾意。(要苦練爆肌?)依家練定啱啦。(依家胸肌都好似好勁喎!)因為我呢件係細碼衫啫,哈哈哈。」