楊千嬅死裏逃生周身傷
楊千嬅昨日與歌手陳柏宇、陳凱彤出席放榜打氣活動，千嬅透露當年會考分數未能直升原校。她說：「因為爸爸教書，有一定壓力，考完心中有數都有同佢報定案，始終數學唔好。」千嬅笑言數學最差卻偏偏投身娛樂圈，她說：「都係交畀老公計，有時大家計嘅方法又唔同。」
千嬅透露與老公丁子高早前參加內地真人騷時，因太投入玩遊戲搞到周身傷：「好多畫面都好驚險，險象環生同死裏逃生，有少少傷走咗去照X光。（以後唔玩咁激遊戲？）潮州人要面子。」
問千嬅有否為兩歲半的囝囝丁進諾鋪路讀書？她說：「唔會特登，等佢揀自己鍾意嘅。（捨得畀佢留學？）睇佢性格，最緊要係獨立同自主。」當提到幼稚園入學，千嬅即大呼好煩：「佢依家先兩歲半，唔知點解咁快搵幼稚園同小學，但唔可以唔去面試。」