蔡依林突然高挑

蔡依林

「好outstanding！原本佢身形細粒，依家着到身材高挑、修長，髮型同化妝都絕配，成個total look係滿分，艷光四射。藍色珠片好蝦人着，好易着肥人，但佢carry得好好！」

徐熙娣唔夠突破

「一貫性感得嚟女性化作風，着到身形好修長又帶點野性，好襯佢。全黑實冇錯，所以今次合格，髮型、化妝都係一貫簡約。」

徐熙娣、徐熙媛	莫文蔚	戴佩妮

徐熙媛配飾錯晒

「比較cocktail，冇咁隆重。Belt同鞋配襯都錯咗，如果換蝴蝶belt，高跟鞋轉再高少少嘅露趾款，效果會冇咁失色。」

林憶蓮	魏如萱	A-Lin

莫文蔚長腿女神

「永遠露到長腿，艷煞旁人。佢平時好少着呢啲色，今次仲襯對銀色高跟鞋，耳環、頸鏈亦襯番銀色，好有女神feel。」

戴佩妮娘味甚濃

「露背感覺唔sharp，帶點土氣。長褲轉短褲、髮型轉馬尾會煞食啲。再加金色accessories作對比。鞋亦可以換ankle boots，或者金、銀色露趾涼鞋，感覺冇咁侷促。」

林憶蓮青春不老

「好搶眼，紅唇妝配深色頭髮再襯埋頸鏈，成個感覺令人好舒服，好似冇老過咁，加上紅色着得膚色更白、透亮，好吸睛嘅造型。」

魏如萱Dry爆衣架

「其實條裙靚，但耳環同頸鏈都冇，令成條裙好似着咗上衣架咁，扣咗好多分。成個look冇晒女性化一面，感覺好素、好boring。」

A-Lin髮型累事

「條裙好靚，高貴得嚟有民族色彩，可惜髮型同化妝欠生氣，髮色深又梳晒後面，好唔fresh。吹散少少同留蔭，個妝化淡啲會更好睇。」

Profile

香港著名模特兒陳嘉容（Eunis），曾為各大國際品牌行時裝騷。在時裝界打滾多年，近年更為電視時裝節目任主持，化身Stylist教人襯衣着打扮。