JC緊張唔敢坐 驚爆波
「警鐘胸」女模Jessica C.（JC）昨日首次穿上低胸波波裙行騷，為怕「爆波」JC做足安全措施但仍然坐立不安，緊張到連坐都不敢，行騷時更步步為營！
昨日Jessica C.（JC）出席商場活動，JC穿上由氣球打造的低胸紅色波波裙行騷，「警鐘胸」若隱若現，成為全場焦點，一眾龍友閃個不停，因大會安排混亂，JC受訪時被一眾龍友圍住，JC顯得有點緊張，問到對波波裙的感覺？她表示：「第一次着好得意，着咗30分鐘確保安全，都有啲緊張，不過着咗就覺得好安全。（驚唔驚爆？）初頭都驚爆，我打晒底，見到設計師先放心，佢話可以坐，不過我冇試過。」她表示已影相給男友安志杰（Andy）過目，男友看完亦覺得好開心。問到結婚會否穿波波裙？她表示：「會係呢種style，但我傳統啲，會着其他，生日派對就會着。」
戥Ana R.懷孕開心
提到好姊妹Ana R.懷孕五個月，她表示戥Ana開心，更大讚日前見到Ana仍保持到模特兒身形，問到是否做契媽？她表示：「未傾呀，但一定會好close。（幾時輪到你生？）首先要結婚先，我哋都鍾意小朋友，一步一步嚟。（幾時結？）唔知。」她透露今日回大陸拍戲三個月，笑言沒有時間造人，亦希望男友會去探望她。難怪JC前晚亦在社交網站上載了與Andy及友人的聚會照，爭取時間見面，sweet到爆。
文：名人組