歌手林二汶、林奕匡、蔡瀚億（BabyJohn）及唱作歌手李拾壹昨日出席活動，BabyJohn表示剛剛從上海拍完劇回來，終於可以放暑假：「上兩年暑假都做緊嘢，今年終於可以抖暑，一直都好想去學潛水，同張崇基一齊出海滑吓水，一有時間就想出海。」
他又講到一直都想與家人一齊去旅行，剛好之前有親戚在日本結婚，可以一家人在日本觀禮順便旅行：「我成日同太太講想去邊度邊度，但最後都係去咗日本，如果問想去邊嘅話就係澳洲，因為之前喺澳洲做咗個特輯，嗰度好靚。」
