田蕊妮谷線助威力爭口碑
無綫藝人陳豪、田蕊妮及溫家偉等昨日為新劇造勢，田蕊妮更谷事業線上陣，反觀陳豪為拍劇減磅，由加大碼減到變中碼。同場的溫家偉否認與吳若希撻着，更自爆請吳若希到其雪糕店試食！
藝人陳豪、田蕊妮、楊秀惠、張名雅及溫家偉等昨日出席無綫新劇《鬼同你OT》宣傳活動，眾人更戴着腦電波測試器，測試大家心靈相通的程度。女主角田蕊妮微露事業線，被問谷胸是否順便谷收視？她笑謂：「真係得o架。」
去年由她擔正的劇集《忠奸人》口碑極好，被問會否希望《鬼》劇有一樣效果？她說：「冇人想自己拍嘅劇集口碑唔好嘅，不過劇種唔同，今次笑片，暑假睇笑片都幾開心！」
老婆抖夠追囡囡
陳豪被指因太太陳茵媺為急於生女而令他消瘦不少，陳豪笑笑口否認：「肥同瘦我都想追個女o架啦！」他又指消瘦是為了配合新劇《潮流教主》而減肥，原本穿加大碼的他減肥後改穿中碼，他分享減肥經：「每餐食少40%。（做運動？）忙到連BB都少見，冇做！」至於何時追多個囡囡？他說：「等老婆抖吓先，依家兩個BB都仲細，真係要過多排！」
溫家偉請食雪糕
同場的溫家偉日前就被本報拍得與緋聞女友吳若希約會，他大笑表示：「係出街，冇咩嘢，我哋好friend o架！」至於二人有否發展機會？他則表示：「唔知呢，自己都忙，嚟緊開雪糕店！」他又自爆指已請吳若希試食，對方亦大讚好味。被問會否邀吳若希擔任代言人，他說：「冇所謂，睇吓佢得唔得閒。」又指自己未有追求對方的意思。
文：影視組