婷婷性感撐場 猛男埋身抱

婷婷坐在池邊沙灘椅歎凍飲，大放魅力。

昨日婷婷到澳門新濠天地參加SPLASH池畔派對，現場非常熱鬧，但婷婷卻沒有泳裝上陣，令人大失所望，不過在場赤裸猛男依然陪伴在側，期間更抱起她造勢，嚇得婷婷花容失色，頻呼要跣下來。問到何以不穿泳衣？婷婷有點不好意思地說：「我做嘢不嬲唔着泳衣，呢個係我底線，但拍戲就唔同，我自己去沙灘都係咁着，（啲男士咪好失望？）咁我唔係為佢哋着衫（口架）嘛！（之前畀雜誌影過你着泳衣？）都幾耐之前，（身形有冇變？）冇乜變，我中學件校服都仲着到，（中學幾年班？）由12歲到18歲，之前萬聖節都有着番，（即係你12歲後冇發育過？）……條腰！」估唔到婷婷纖腰keep得咁fit，廿年來一直沒有變過。

唔知霆鋒傷手

早前她被拍得遊船河，問到是否想結識異性？她笑說：「去玩吓識多啲朋友，（有冇追求者？）冇，都冇時間識人。」此外，談到哥哥霆鋒近日被蟹弄傷手指，婷婷指很久沒見對方，消息也是從報章上得知，記者建議她開一個家庭群組聯絡？她即爆料指父親謝賢不懂用智能電話：「佢慢幾拍，連電話飛線都唔記得，媽咪雖然識用，但只係傳公仔，有事就打電話。」此外，婷婷又謂沒試過帶姪仔Lucas和Quintus暢泳，她說：「如果暑假佢哋返港，會帶佢哋去玩。」

婷婷與俊男美女合照，艷光四射。	婷婷被兩壯男抱起，嚇得花容失色。	陳瑞瑩性感bra top打扮，非常吸睛。

同場還有模特兒陳瑞瑩（Helena）着上性感bra top配長紗裙，吸睛力強，Helena已多次參加池畔派對，大呼好玩，既熱鬧又可以乘機放鬆一下。