(3)羅丹虹散發模味

眾港姐昨下午轉往儀態教室,向日本名模青野楓學行Catwalk技巧。以5呎7吋身高傲視同儕的「英國碩士」(3)羅丹虹(Ann),獲導師大讚有條件成為模特兒。問Ann有否考慮做模特兒?她笑說:「以前係乖乖女,係有模特兒公司主動接觸過,不過當時冇考慮。依家讀完書,如果有機會都想試吓。」(1)麥明詩自認身形輸蝕,以4吋高跟鞋「增高」的她說:「自己習慣着高跟鞋,因為外國人好高,唔着就唔夠高。(有諗過做模特兒?)冇,知道自己唔夠高,唔係呢方面嘅材料。」

而「刮腳何傲兒」(2)馬詩晴、「闊面湯寶如」(8)程莉欣及「矇豬鍾嘉欣」(11)楊苡汶表現麻麻,過程中要導師不停提點,更被狠批Catwalk似操兵,當中楊苡汶更遭導師反問:「你係咪未着過高跟鞋?」認真尷尬!