王宗堯神服洪卓立HeHe摸髀
藝人王宗堯與洪卓立在新片中有破格演出，除了飾演社團人物，二人還有一段基情。早前二人先上演一幕搭大髀戲份，洪卓立表現自如並不尷尬，王宗堯冷靜應對照單全收，「HeHe」味爆燈！
藝人黃秋生、杜汶澤、王宗堯、趙碩之、姜皓文、洪卓立和黃竣鋒，日前在一間夜店拍攝英皇電影《選老坐》，拍攝王宗堯與手下洪卓立，與另一社團話事人杜汶澤在場內發生爭拗的戲份。人稱男神的王宗堯人前硬朗，但原來戲中與洪卓立飾演一對情侶。二人合照時率先上演一場溫馨場面，先來個深情互望，洪卓立更主動伸手搭在王宗堯大髀，「HeHe」入目三分。王宗堯對於與洪卓立飾演一對大表過癮：「我同佢女友湯怡都合作過㗎。（同洪卓立感尷尬？）唔尷尬，想同導演講要再激啲添，有場大家仲會肉帛相見，意識上好激，睇吓導演有乜要求，我無所謂，接咗個角色就要係嗰個人，湯怡嚟監場都冇問題。」
為露點減肥
洪卓立為《選》片豁出去，事前更要減肥瘦身，他表示「總之今次係激嘅。（唔慣？）拍之前導演問我得唔得，其中一場戲我要露點，好似銀幕第一次，事前要減肥唔想喺男神面前出醜，同男仔拍反而唔使同女友講。（女友監場？）唔知喎，叫佢嚟監場都好，睇住我哋。」據知，該場戲是洪卓立以手為王宗堯解決需要，意識相當大膽。同場，黃秋生表示與杜汶澤已有偈傾：「依家拍戲咪理吓佢，通常佢講多，我都唔鍾意講嘢，比較鍾意聽，佢都好客氣。」而趙碩之與師弟黃竣鋒首次合作，表示戲中與不少具分量人馬合作獲益良多。
文：影視組