陳凱琳有媽咪做最強後盾

世上沒有甚麼比親情更重要，即使現在與男神鄭嘉穎交往中的陳凱琳亦然，在「巨星最愛：親情篇」道出一生最愛的人，就是她媽咪：「我嘅至愛梗係我媽咪啦，因為佢一直都好支持同鼓勵我，雖然最近比較多新聞，但佢每次都會叫我平常心對待，所以我真係好多謝佢！」

諸葛紫岐有仔萬事足

名模諸葛紫岐（Marie）誕下愛子Arthur後，有仔萬事足，講到她的最愛當然就是Arthur：「我最愛嘅就係我囝囝，因為佢依家好可愛，成日同媽咪錫錫，好sweet。最愛仲有我媽咪，因為佢好錫我，依家知做媽咪好辛苦，要顧好多嘢，所以打算送份好有心思嘅禮物畀佢。」

放大圖片	與孖生妹妹形影不離的倪晨曦，sweet爆指與對方一起才會完整！	諸葛紫岐現時有仔萬事足，亦感受到母親的偉大。

而模特兒倪晨曦則最愛媽媽和孖生細妹：「我最愛係我媽咪同埋我孖生妹妹，佢哋喺我生命中係最重要，媽咪由細到大都好照顧我哋，佢係我一個Role Model，佢好偉大，又要做嘢又要照顧屋企，好佩服佢。孖生妹妹亦係我嘅最愛，我哋差一分鐘出世，好似孖公仔，去邊都要一齊。我同佢冇秘密，有佢喺我身邊至係完整嘅我！」

惠英紅坦言與細妹走過人生低潮，對方更是她心靈雞湯。

放大圖片

惠英紅姊妹走過低谷

做得姊妹，就是一生一世，惠英紅最愛細妹Sandy，直言與對方走過低谷：「我最愛嘅係我細妹Sandy！佢同我每一步都係一齊，跌跌碰碰，已經係我左右手同心靈雞湯。奪第29屆金像影后嘅時候，係我人生一個漩渦，當時妹妹知道我情緒好唔穩定，壓力好大，嗰幾年一直喺我旁邊，到我得到獎，我見到佢好感動，開心再見證再有一次（得獎），知道佢好欣慰，家姐可以企番起身！」

文：專案組