鄭融自爆請TB食檸檬
歌手鄭融到梁梓禧、茜利妹主持的now TV節目《攣直後援會2》當嘉賓，更獲安排三位真假TB（女同志）獻媚，但拒愛的鄭融說：「佢哋好Charming（魅力）都有一刻心動，但我始終都係鍾意男人，做朋友可以嘅。」她又直認愛與男同志作伴：「有次去新加坡做嘢，夜晚落Club好多男同志，佢哋玩得好放，跳到興起仲會除衫，係我人生最好玩嘅一次！」
中學讀女校的阿融，自爆曾獲TB追求但卻未曾心動：「佢哋擁有女人嘅細心，又有男人嘅剛烈，相處得舒服，有時都會問我追女仔意見。」被送上「拍拖精」錦旗的鄭融笑住平反：「我拍拖經驗一定比你哋少，我好專一！」直言視現任外籍男友為結婚對象。