高海寧玩刀壁咚 金剛嚇傻
高海寧在觀眾心中是性感女神，見她會聯想到「事業線」，不過作為專業演員的她，最近卻為新劇將既有的形象完全打破，穿上圍裙生劏游水魚，即使血濺滿面依然氣定神閒，最後更將同場的金剛就地正法「刀壁咚」！
無綫咪神高海寧（高Ling）一向被視為性感尤物，所到之處經常成為焦點。不過作為一個專業演員的高Ling，今次為無綫新劇《愛情食物鏈》卻作出重大犧牲，打破形象穿上長袖企領T-shirt加圍裙，密實封胸之餘，再戴上黑膠手套手執魚刀，手起刀落，將砧板上的活魚一分為二，高Ling容顏當場濺滿鮮血！
兩take搞掂
其實高Ling在拍攝當日除了生劏游水魚之外，亦與金剛上演一場「刀壁咚」，當時右手提刀的她將金剛推埋牆作狀將其生劏，只見被逼埋凍櫃的的金剛完全被高Ling嚇得魂飛魄散。其實面對金剛這個面部表情充滿喜劇感的演員做戲亦有難度，惟高Ling亦表現專業兩take完美演繹。之後高Ling更大讚金剛好玩，她說：「佢成日講好多奉承我嘅說話，但我就句句都『窒』住佢，我覺得我對佢好刻薄，（演情侶？）佢鍾意我之嘛！我唔會鍾意佢！」
睇片學劏魚
高Ling今次為了演好賣魚妹的角色，她親自到街市向魚販偷師學劏魚，她說：「我搵咗個魚檔老闆，叫佢畀我拍低劏魚過程，我仲買咗魚返屋企睇住片練習。」，她又透露劇情中更要徒手捉鱔同田雞：「佢哋滑潺潺，而且鱔會咬人！我都好緊張！」
文：影視組