麥明詩Sing勢弱寸嘴Ada搶分
【陳永峯日本直擊】身處日本的12位港姐佳麗昨挑戰在大師面前唱歌，曾以舞姿獨領風騷的「高挑Charlie」(1)麥明詩因緊張而表現失準，令宿敵「寸嘴Ada」(4)龐卓欣有機可乘，憑歌喉反勝一仗！自信見稱的Ada表現搶眼，令身為藝人的胡鴻鈞亦笑稱要向她學習！
無綫《2015香港小姐競選》昨日安排12位佳麗於東京著名景點明治神宮拍外景，其中「高挑Charlie」(1)麥明詩（Louisa）、(6)吳慧堯及(11)楊苡汶，獲挑選到濕平勝地代官山拍攝，問到是否購物狂？Louisa笑言：「未試過真正喺東京購物，自己都唔係鍾意濕平嘅人，反而鍾意上網購物多，覺得平啲。」
緊張失準
佳麗及後轉往涉谷區一家錄音室，為歌手胡鴻鈞、鄭俊弘以及許廷鏗探班。據知無綫斥資6位數字租用錄音室，並請來曾為韓團少女時代監製唱片的Jeff Miyahara製作港姐主題曲《一夜成名》。Jeff即場考核佳麗的歌唱天分，安排分組清唱。被指為宿敵的麥明詩與「寸嘴Ada」(4)龐卓欣巧合同組，以舞姿獨領風騷的Louisa唱歌時明顯緊張，稍為失準，為Ada製造反擊機會，其表現獲監製大讚。
發明星夢
問是否對唱歌項目較有信心？Ada說：「3歲學唱歌，大學修讀女高音，算係最有信心嘅項目。（滿意今日表現？）都滿意嘅，監製都笑問有冇興趣做藝人，話可以幫我。（發明星夢？）都有少少嘅，自己鍾意唱歌，有機會都想試。」問到藉唱歌反擊Louisa？她說：「唔會咁諗，佢都學唱歌，佢唱歌都OKo架，又係合唱團，大家互相切磋！」Louisa談及唱歌表現時則說：「事前都有練歌，學過古典聲樂，流行曲差少少，唱歌一有壓力就影響表現。」
今次有機會與Jeff合作，胡鴻鈞興奮表示：「佢錄歌好快手，好快就畀到Demo我哋。」問到對佳麗的印象？三子認為Louisa與Ada表現出眾，胡鴻鈞更點名讚Ada：「真係信心爆棚，要向佢學吓點Keep住咁有信心。」
文：影視組