羅霖反擊：我身材唔輸蝕
今年50歲兼已為三子之母的「美魔女」羅霖今年殺入書展，為處女寫真穿上三點式大晒弗爆身材，即成為(口靚)模「公敵」寸她年紀大，連「五朝元老」黃榕都出言攻擊：「以佢呢個年紀，負責執相嘅幕後團隊一定好辛苦。」但羅霖一於懶理，更指自己身材不比任何一位(口靚)模輸蝕：「人哋以sexy為主，班(口靚)模要noise而我唔係！」
一年一度的書展將於本月15日開鑼，寫真撕片即將上演！年近半百的羅霖（Candy）有「美魔女」封號，在處女寫真《Timeless》以比堅尼上陣大騷身材，旋即成為(口靚)模「公敵」！
Candy接受本報訪問時透露毫不介意被(口靚)模寸年紀大，更直言自己的寫真男女老幼都啱睇：「本寫真嘅製作班底好有知名度，仲有韓星客串！而且我會用寫真做善事，諗唔到有乜可以將我同佢哋比較。我冇嘢想同佢哋爭，我有心出一早就出咗喇！」
超額認購要加印
她強調寫真並非以性感為主，而是想大眾認識全方位的自己：「人哋以sexy為主，而我只有兩套bikini，我身材都唔比(口靚)模輸蝕(口架)，而且班(口靚)模係要noise而我唔係！」而Candy的寫真未開售已封蝕本門，更因超額認購而要加印，Candy剖白指這本寫真為她圓夢：「我係對自己要求好高，只會同自己比較而唔會同其他人比！」
至於連續第5年推出寫真的「元老級前輩」黃榕（榕姨）昨錄影有線節目《娛樂熱辣辣》，直言今年寫真的性感程度爆燈，會是全場最激的一個，全裸、濕身應有盡有，並已獲批入書展會場。過往被指「高齡」的她被問到今年殺出50歲的Candy是否感「甩難」時，榕姨笑言：「唔係甩難，一山還有一山高。大家路線唔同，我吸引男、女粉絲，我身材勝在平均！」
雞排妹被寸胸太大
她更明寸「勁敵」Candy：「佢生咗幾個，又咁大年紀，影之前一定花好多工夫修身，真係好大勇氣，畀我50歲都未必敢出！而且每本寫真都會執相，以佢呢個年齡，幕後團隊一定好辛苦喇！」她亦不忘對其他對手「雞排妹」鄭家純及張永歆發動攻擊：「佢個胸好大，大到抖唔到氣。」榕姨在節目中表演性感舞蹈，令人熱血沸騰，她又謂自己將於8月推出單曲，希望展現才藝一面。
文：專案組