謝婷婷 唔刻意搵男友

藝人謝婷婷前晚出席時裝品牌i.t活動，去年她與戴尚安分手後已單身半年多，早前婷婷被拍得與名模樂基兒遊船河，被指雙雙結識內地富二代，婷婷說：「嗰日跟女友人去玩，船上嘅男士都係其他女性朋友嘅男友，我同樂基兒唔同船，我過船玩遊戲先知佢有嚟。（船上有人想識你？）我哋連傾偈都冇時間，我掛住玩水上活動同女仔朋友傾偈，我唔太鍾意特登，想順其自然。」說到揀男友，婷婷強調不用有錢，亦 不介意是內地人，不過事業為重的她沒想過將愛情放第一位。有指其母狄波拉不喜歡她的前度，婷婷說：「呢個係你哋講。」