周汶錡誕7.2磅男B 老公讚靚仔

41歲的名模周汶錡（Kathy）與法籍老公Julien Lepeu結婚兩年多，去年9月造人成功懷有慈姑椗，昨晨Kathy秘密入半山嘉諾撒醫院剖腹產子，B仔重7.2磅，陪伴入院的Julien下午拿着裝有孕婦必需品的「走佬袋」現身醫院。

改法國名Jacques

晚上八時半Julien跟Kathy妹妹周麗淇（Niki）、親友及助手一同離開醫院，Julien表現興奮，問及BB時，他以英語說：「好靚仔。（太太點？）佢好好，已經醒咗。（仔仔改咗名未？）叫Jacques，係法文名，冇乜特別意思。」他表示外出一會再折返，會通宵陪伴Kathy，問到不用上班嗎？他即笑說：「呢個係我嘅工作（照顧太太）。」Kathy助手透露，Julien全程陪伴在側，但因為太過緊張，所以就沒有剪臍帶，又指BB樣子可愛，個子長長。

周麗淇與姐夫Julien昨晚到醫院探望Kathy。	放大圖片	周汶錡入院前一晚同老公撐枱腳歎紅酒！

阿B范姜探望

而好友鍾鎮濤和太太范姜及長女鍾嘉晴晚上亦有到醫院探望，范姜手上拿着一個禮品紙袋，相信是送給Kathy，他們離開時表示有見到BB，Kathy亦已清醒，指母子倆情況好好。記者問范姜可有傳授湊B心得給Kathy？她就笑而不語。記者致電Kathy，但電話轉至留言信箱。另外，Kathy前晚生B在即，入院前不忘上載與老公撐枱腳的相片，相中二人拿着紅酒碰杯，有網民質疑Kathy是否佗B也飲紅酒。

文：名人組