祖兒羽戰食波餅壓力爆煲
【林惠珊廣州直擊】天后容祖兒昨日現身廣州拍內地真人騷，與世界級羽毛球手林丹同隊打羽毛球賽的她，期間慘食波餅被擊中額頭，但在林丹教路下，仍險勝馬來西亞名將李宗偉帶領的一隊！不過祖兒坦言曾因拍這個真人騷壓力大到胃痛，甚至落淚！
容祖兒、李治廷、陳妍希、奧運羽毛球金牌選手林丹、馬來西亞羽毛球名將李宗偉、超模金大川、藝人董子健及內地演員耿樂昨日於廣州體育學院拍內地真人騷《報告！教練》，眾人分成兩隊打羽毛球賽，林丹隊有祖兒、金大川、董子健，李宗偉組就有陳妍希、李治廷及耿樂，表現落力的祖兒不慎食波餅，遭對手的「猛力球」擊中額頭，痛得她狂捽額頭。
胃痛落淚似窒息
經過一輪激烈爭鬥，林丹隊以3:2勝出，獲林丹教路的祖兒得領獎盃時坦言感動：「很不可思議，多謝隊友、教練及工作人員讓我感受不一樣的自己。」她形容真人騷是其人生第二大挑戰：「最難唔係運動，真人騷有好多鏡頭，好似有10個Mani（霍汶希）望住，令我抖唔到氣。」祖兒自爆曾因壓力大搞到胃痛，甚至落淚，問有否向男友劉浩龍訴苦？祖兒說：「遠水不能救近火。」
祖兒透露拍真人騷時間太長令她怕怕，拍一次就夠：「一落機已經有好多攝錄機拍我，我又冇化妝，之後話畀時間我搞吓個樣，點知約10分鐘已經催我。」
李治廷「死」得好
李治廷提到他有份演的劇集《武則天》在港大受歡迎：「我死嗰集覺得幾好，有時間都會睇，因為喺內地播嗰時冇睇過，反而喺香港我先有時間睇。」