吳業坤旺角歎雞遭粗口問候

「巨聲2幫」吳業坤前晚在Instagram發牢騷上載一張食店招牌相，並留下百字文表示與好友羅孝勇到旺角勝利道一食肆點海南雞髀飯，食到一半時，有侍應向他說：「碟飯唔係髀嚟㗎喎，X你老X，唔係就咪攞啦。」佛都有火的吳業坤直言「火埋」同「好嬲」，更火爆說：「我嚟食飯唔係要畀你侮辱嘅。」

吳業坤昨日在電話中詳盡講述受辱經過，強調寫出來只是想發洩情緒，絕對不是造新聞及針對店舖，他說：「我唔係要酒店式服務，但無啦啦畀人鬧當然唔會開心，我哋做錯心甘情願畀佢鬧，我哋實在太氣憤，食到一半埋單走人，過咗隔籬食燒味飯。」

問到當時有否向對方「還拖」？斯文仔吳業坤說：「我哋冇出聲，如果出聲會變成鬧交，對我哋冇着數。（職員認得你哋？）唔理佢認唔認得，但唔可以咁對食客。」吳業坤表示當雞飯送上時第一時間進食：「都分唔到係咪雞髀，仲加多咗十蚊，已經冇出聲，反而被鬧。」

文：音樂組

吳業坤旺角歎雞 遭粗口問候