李施嬅好戲獲汪明荃激讚

李施嬅（前名李詩韻）在無綫正播出的劇集《風雲天地》飾演年輕版汪明荃，角色出街後受到外間好評，讚她演得入木三分。李施嬅坦言拍攝時壓力很大，她說：「當時同時間拍緊《寒山潛龍》，雖然自己只得三集，但場數好多幾乎等於一套劇，所以要喺十幾日完成就好緊迫。」

恨與對方合作

李施嬅的角色十分坎坷、沉重，既經歷喪夫之痛、又幾乎被姦更至山窮水盡地步，她形容是《大時代》的濃縮版，李施嬅說：「幾乎每日都喊足十六個鐘，喊到眼腫，每朝要用冰凍茶包敷眼消腫，拍嗰陣天氣又熱成四十度，體力消耗好大。」雖然拍攝辛苦，但回報也十分大，李施嬅說：「最開心係阿姐先後讚咗我三次，話我做演到個份味道，當時真係感動到想喊，辛苦都係值得，阿姐讚賞係好大嘅驚喜，開心到好似中六合彩咁。」李施嬅當燃希望將來有機會與汪明荃合作演對手戲，她說：「畀佢讚完仲大壓力，如果合作更加要打醒千萬分精神。」

李施嬅於《風雲天地》演活年輕版汪明荃。	李施嬅坦言獲汪明荃稱讚，感覺像中了六合彩。	每日拍攝也喊到眼腫的李施嬅，直言每朝開工前也要敷茶包消腫。

蜜運未諗結婚

李施嬅繼第二年到新加坡拍劇，她坦言酬勞當然比香港好，希望下年再拍第三季。蜜運中的李施嬅有愛情滋潤特別容光煥發，問到可有結婚計劃﹖她說：「順其自然，冇計劃，唔想諗將來住，依家最希望事業可以更上一層樓。」

文：影視組

攝：李柏儒

場地：千禧新世界香港酒店

服裝：Lagerose