香香賀「離婚」 夜店「傻」舞

岑麗香、黃翠如、馬國明及阮兆祥等日前為劇集《為食神探》開工，劇情講眾人為演馬國明姐姐的江欣燕慶祝離婚，故拉大隊到夜店狂歡，期間眾人興奮得隨音樂起舞，香香透露於溫哥華生活時，也偶然會到夜店為朋友慶生，並懂保護自己，離開座位後不會再飲之前的飲品，也絕不會飲醉。

學鋼管舞瘀晒

談到拍攝時於沒音樂情況下起舞，香香笑指難度高：「因為要就講對白，音樂會蓋過把聲，所以我哋要扮喺有音樂下跳，諗起都覺得傻傻哋！邊講對白邊跳，但冇音樂。」

馬國明（左起）、香香、江欣燕、黃翠如及阮兆祥在夜店拍攝。	香香（中）曾為台慶與陳庭欣（左）和徐子珊表演跳舞。（資料圖片）	馬國明和阮兆祥拍攝時有講有笑。

對於現場有鋼管舞女郎，香香表示當年於溫哥華選美時練過鋼管舞，但卻吃盡苦頭：「選美時有個鋼管舞環節，成班女仔去學，但我學咗幾堂就搞到成腳瘀晒。」

馬國明撐杏兒

首度到夜店拍劇的馬國明說平日不會到夜店玩，所以準備趁機見識一番，對於有指好友胡杏兒以2,500萬元簽約蕭定一旗下，馬國明表示會支持及認同杏兒決定。他說認識杏兒十多年，閒時也會談前景：「講過吓佢之後續約，但當時好多嘢都未定。（你份約呢？）我仲有兩年先約滿，所以都未諗，又唔使太快做決定，當然想搵錢，但唔一定返內地，留喺香港都冇所謂，長期喺內地會唔放心。」

文：影視組