最愛是誰？

江美儀

江美儀：「我最愛梗係吳君祥啦！希望之後日子無論好同唔好都可以同佢分享，可以共患難同共富貴，加埋我隻狗仔，都係我最愛嚟!」

楊洛婷：「我最愛當然係我老公阿Tim（黃天翱），因為自從我生命出現咗阿Tim，我個人特別開心，同埋工作上有佢嘅支持，又幫到我。去旅行又成日同佢一齊去，生活多姿多采好多，緊的日子我依然都係最愛佢。」

岺潔儀：「我心目中嘅最愛就係老公，我要多謝佢同我結婚，仲生咗一個好可愛嘅BB，最有印象係佢同我求婚嗰一刻，喺冰天雪地下仲落住雪，感覺非常之浪漫咁遞上戒指，真係好感動，因為當時同老公識咗半年有多，好驚訝同好感激佢！」

楊洛婷	岺潔儀	曾江

曾江：「最想多謝係我太太，佢叫我唔好喺公眾場合多謝佢，所以我冇喺金像獎頒獎禮度講，多謝嗰刻個鏡頭有影去佢度，佢其實唔想出鏡，所以我會喺私下地方講多謝太太，錫啖佢？成日都錫，錫到唔錫啦！老夫老妻，掂下手仔個感覺已經喺度。」