李亞男：世上最好我老公

圈中大把模範夫妻，做得模範自然有一個共通點，就是錫晒另一半，《東網巨星》的「巨星最愛」系列中，群星毫無保留對另一半高呼：「你，就是我的最愛！」聽到都冧！

與王祖藍結婚冇耐的李亞男說：「我最愛嘅梗係我老公，你哋都知係邊個，咪就係王生（王祖藍）囉！點解係佢？因為佢揀咗我，好錫我，又好錫屋企人同朋友，為家庭付出咗好多，工作又好搏，世上最好就係我老公，我以老公為榮！」

王祖藍	盧巧音的最愛理由很特別，就是可以比老公先睡。	盧巧音老公

劉倩婷為老公感動

劉倩婷讚老公李丞責像母親一樣愛護她，令她好生感動：「除咗媽咪，依家我人生多個最愛，就係我老公丞責，佢好似我媽咪咁一樣愛護我，教導我處事對人，又好遷就我。就算佢幾忙、幾都好，每晚都會陪我睇部電影，佢堅持每日都一定要有屋企人的時間，呢個堅持令我好感動！」

劉倩婷讚李丞責每晚不論多累也會抽時間陪她。	李丞責	收心養性的鄭中基，感謝太太余思敏與他一起共建家庭。

盧巧音唔使等埋瞓

至於Rock爆盧巧音亦一樣柔情似水，最愛老公：「我最愛當然係我老公啦！因為佢可以畀我早瞓過佢，有啲太太係要等埋老公返嚟先可以瞓，但我係唔等佢我就瞓啦！幾幸福！」至於婚後收心養性的鄭中基，亦高呼：「我最愛梗係我老婆啦，佢幫我生咗一對小朋友。」

文：專案組