JC瀡滑梯 解放警鐘胸
名模Jessica C.昨日現身深圳水上活動，以性感bra top上陣大玩瀡滑梯，毫不吝嗇地大騷「警鐘胸」，更預告在炎炎夏日將其解放：「會好自然咁展示身材！」
【車綺敏深圳直擊】「警鐘胸」名模Jessica C.（JC）和台灣組合Lollipop@F棒棒堂的阿緯昨日齊齊現身深圳，出席深圳觀瀾湖新城「瘋滑全城」發布會，JC其後換上桃紅色bra top配白色背心和超短熱褲，與阿緯及觀瀾湖集團副主席朱鼎耀先生一同率先試玩50米迷你滑水道，大玩濕身和透視誘惑！現場更有世界級著名DJ Jamaster A打碟助興，熱爆夏日。
甜認美國見家長
談及阿緯和男友安志杰（Andy）均是肌肉男，自己有否作出比較？她表示：「夏天係需要鍛煉身形，（邊個勁啲？）I love Andy，但佢都好型。」她又謂慶幸阿緯當白老鼠率先試玩：「佢好好，有佢做實驗同玩先令我冇咁驚，下次會帶埋Andy嚟玩，好安全同好刺激。」談到夏天是否好時機大騷其「警鐘胸」，她笑說：「我鍾意游水，會好自然展示身材，（Andy唔會阻止？）冇喎，我之前都有同佢去泰國同香港嘅泳池游水。」問到早前是否到美國洛杉磯見Andy家人？她甜蜜表示：「去咗見佢祖母、佢媽咪，佢哋好sweet，見到佢哋好開心，（有冇催結婚？）冇啊，大家好享受美食與陽光。」
阿緯讚二人胸大
另阿緯則慨嘆沒有女朋友可同來瀡滑梯，問到有否留意JC身材十分澎湃，他笑稱：「我唔敢睇，我識佢男朋友，Andy胸部都很大。」他續透露今天會跟其餘三位成員到香港迪土尼樂園和粉絲聚會。提到台灣八仙水上樂園粉塵爆炸事件，他表示對事件感到非常難過，並呼籲大家以後參與活動一定要注意安全，希望傷者可勇敢站起來。